Willkommen - Beinvegni
im Begegnungszentrum AUA VIVA der
Evangelisch-reformierten Kirchgemeinde


Historia da nossa pleiv


Entochen 1950
Tgira sporadica da hosps reformai entras survetsch dil predicatur da cura.

1951
Ils burgheis evangelic - reformai dallas vischnauncas da Breil, Schlans e Trun vegnan subordinai alla pleiv baselgia da Glion, ils burgheis da Sumvitg, Mustér, Medel e Tujetsch alla pleiv da Waltensburg / Vuorz.

Naven da 1957
Carschament da dimorants reformai a caschun dallas ovras electricas dil Rein Anteriur; survetschs divins regulars; susteniment finanzial e tgira dad emploiai da confessiun reformada entras las ovras electricas Rein Anteriur.

12-3-1964
Fundaziun dall' "uniun evangelica dalla Cadi" a Mustér; augmentaziun dils survetschs divins e realisaziun da ductrina reformada pils affons; carschament da dimorants reformai a caschun dil svilup turistic, construcziun da casas da vacanzas e maridaglias; sustegn e cuminonza dils reformai ella regiun sco finamira da lavur dall'uniun.

01-01-1984
Ella Baselgia naziunala evangelica dil Grischun va ina nova ordinaziun da diaspora en vigur. L' Uniun evangelica dalla Cadi  sto sedecider denter il colligiament cun ina pleiv existenta ni la fundaziun dad in'atgna pleiv.

17-1-1986
La radunonza dils commembers decida unanimamein da fundar in'atgna pleiv.

2-11-1986
Aunc il medem meins vegn la Pleiv evangelica reformada dalla Cadi fundada e renconuschida sco 121- avla commembra dalla Baselgia naziunala rischuna dil cussegl grond

1-4-1988
A Mustér endrezza la pleiv igl emprem uffeci parochial dalla Cadi. Il pensum dil plevon vegn limitaus approximativamein sin 5 onns. Sut il motto "curascha per igl experiment" duei la construcziun dalla pleiv vegnir realisada.

18-1-1991
La radunonza dalla pleiv fundescha "Tür auf - mo vinavon". Questa nova fundaziun promova la collaboraziun ecumena cun las pleivs catolicas ella sparta socio- ed interculturala. Ils onns suandonts realisescha la fundaziun ils projects.

1992
La radunonza dalla Pleiv evangelica reformada dalla Cadi e la Baselgia naziunala concludan la cuntinuaziun dil pensum dil plevon.

1994
La Pleiv evangelica reformada dalla Cadi e la Baselgia naziunala decidan da construir in agen center da pleiv.

1996
Conclusiun dil contract da dretg da baghegiar cun la vischnaunca da Mustér ed entschatta dalla lavur da projectar.

1998/99
Construcziun ed inauguraziun dil center da sentupada "AUA VIVA" a Mustér - Raveras.

2004
Per promover la collaboraziun vegn l'Uniun dalla baselgia evangelica reformada Sursassiala fundada ensemen cun 6 ulteriuras pleivs sursilvanas reformadas (Waltensburg / Vuorz, Schnaus, Glion, Pitasch, Duvin, Castrisch / Sevgein / Riein).

06-11-2011
gronda fiasta a caschun da 25 onns Pleiv evangelica reformada dalla Cadi

Commembers dalla Pleiv evangelica reformada dalla Cadi:
  • 1960    58 commembers
  • 1985  121 commembers
  • 1990  291 commembers
  • 2000  364 commembers
  • 2012  382 commembers
  • 2019  420 commembers

Suprastonza dalla pleiv baselgia: 5 commembers da differentas regiuns dalla Cadi
Webdesign: rute4