Willkommen - Beinvegni
im Begegnungszentrum AUA VIVA der
Evangelisch-reformierten Kirchgemeinde


Cantoria

Mateusz Niedzwiedzki ei vegnius elegius sco niev cantor. Mateusz Niedzwiedzki ei naschius 1987 a Lublin Pl e habitescha a Favugn/Felsberg. Mateusz Niedzwiedzki suna dapi siu 6. onn clavaziun, ha ina scolaziun da master sco pianist e pedagog da musica, dat concerts ella Polanda ed ella Svizra, dapi 2013 engaschi en pliras scolas da musica, dapi  2018 scolast da clavaziun alla scola da musica Surselva e dapi l'entschatta 2019 nies niev musicist.


Cerchel da cant 2018

Mintgamai mardis allas 20.00 - 21.30 uras  

Il cerchel da cant exista dapi il settember 2007. El ei ina purschida dalla Pleiv per tut tgi che ha plascher da cantar.  Nus cantein en ina ni pliras vusch, tocs pli vegls e pli novs, lev a pli pretensius, da serius a divertent, da spiritual a mundan, propi diltut. 
Con stedi che mintginA vul prender part decida mintginA sezZA. Il cerchel da cant ei concepziunalmein ina purschida da cant aviert, senza program da concert.  Pli impurtont che la perfecziun dil cant ei il cantar harmonic. Tgi che vegn ei beinvegius.

Cantar culs pigns

Mintgamai mesjamna avonmiezdi naven dallas 9.30 - 10.30

In project musical per affons pigns cun lur bab ni mumma  
(annadas 2017 - 2021)


Questa purschida exista dapi il mars 2010 ed anfla gronda accoglientscha.
Ei vegn mussau canzuns cun moviment e semplas canzuns d'affons che san vegnir cantadas silsuenter era a casa. Sco da far termagls emprendan ils affons melodias e ritmus. Lur percepziun auditiva vegn sensibilisada e la coordinaziun dall'udida e la motorica vegnan stimuladas. 
Dapi il settember 2018 instruescha Gabriela Tambornino ils pignets cun lur mumma ni bab. Informaziuns supplementaras survegnis vus sut: 081 943 25 82, ni per mail: fam.tambornino@bluewin.ch
Cun risguardar las mesiras necessarias pervia dil coronavirus ein las sentupadas puspei pusseivlas.
Ils termins ein: 01-09 / 08-09 / 15-09 / 22-09 / 06-10 / 27-10 / 03-11 / 10-11 / 17-11 / 24-11 / 01-12 / 08-12 / e 15-12-2021
 










Webdesign: rute4